قنبله دى قنبله
سماحة الزول فى الطول والعلا .... قنبله
دى قالو احتمال تنفجر
بقيف معاك والله مابجر
مابفيد الصد والهجر
والبتحصل انا بقبلا ...... قنبله
العيون سلاح الموت
والخشيم ده كاتم صوت
بالجو وبالبرشوت
جيوشك على انقلا ...... قنبله
السنون ذى در وبلى
والخد مسدس سته ملى
ياعيونى ماتملى
شوف العود والسنبلا ...... قنبله
الايدين كلاشنكوف
والقوام يشهى الشوف
والحنان المالى الجوف
كسح العزاب والبلا ...... قنبله
