ميعام الخير الجديد


    اشهر جمل بيقولها الاباء والامهات

    شاطر
    avatar
    ميعام الخير
    Admin

    عدد المساهمات : 103
    تاريخ التسجيل : 25/06/2009
    العمر : 26
    الموقع : ميعام الخير

    اشهر جمل بيقولها الاباء والامهات

    مُساهمة  ميعام الخير في الجمعة يوليو 10, 2009 4:42 pm

    منقوووووووووووووووووووووووووول

    على مدىسنوات الطفولة والمراهقة يقطع الابن منزل أسرته وهو يستمع للنصائح والتوبيخ نفسه ، بأساليب وجمل ثابته لا تتغير ...

    فأصبحنا بمرور الوقت نحفظها جيداونتوقعها ...

    " واهالينا يقولوها واحنا نكمل لهم "

    هذه المقولات (التى لا نسمعها إلا فى البيت المصرى ) تعمق المحبة فى قلوبنا تجاه أهالينا ، وتجعلنا نكتشف كم الهيستريا
    والقلق والمسئولية التى عاناها أهالينا... فى سبيل ان تقف وأنت كبير وسط الناس فخورا برأيهم فيك ... وهم يقولون


    " شكله ابن ناس ومتربى "


    كفاية مقدمات بقى وادخلكم فى الجمل على طووووول




    1- مالكش دعوة بالسياسة .. وماتمشيش فى مظاهرات :
    وقد نجحت الأمهات فى هذه الجزئية نجاحا ساحقا ... وده بيظهر عندما ترى أكبر مظاهرة فى البلد لا تتجاوز 500 شخص أو أقل .

    2- مش عاوزه أسمع صوت :
    هذه الجملة تدريب هام جدا للتعود منذ الصغر على تقبل القمع والديكتاتورية اللذين ستواجههما طوال حياتك .

    3- ماتردش عليا :
    دى نصيحة لو التزمت بيها ست**ب مديرك فى العمل .

    4- تقعد فى أول صف قدام السبورة :
    جملة تعودك على أن تكون فى المقدمة دوما .

    5- لو مش فاهم حاجة .. ارفع إيدك وقول للأستاذ مش فاهم ...ماتت**فش
    (فاكرين المدرسين زى اللى كانوا على أيامهم زمان )

    6- اللى بيشيل قربة مخرومة بتخر عليه لوحده .

    7- ومالها الكتب بتاعت الوزارة .

    8- بص كويس وإنت بتعدى الشارع .

    9- ماتتأخرش بعد المدرسة وتقعد تصيع مع أصحابك :
    دى نصيحة ستحقق لك قدرا من السعادة الزوجية (باعتبار إنك من الشغل للبيت )

    10- افرد ظهرك .

    11- مافيش مذاكرة على المزيكا ... أو .. بتذاكر إزاى والبتاع ده شغال جنبك .

    12- ما تمشيش حافى فى السقعة دى .

    13- صليت العصر ..؟! ( إشمعنى العصر ....!!!!!)

    14- ربنا يهديك ... ربــنــا يــهــديــك ... أو ... إنك لا تهدى من أحببت .

    15- إطفى التليفزيون وقوم ذاكر ... أو ... إطفى التليفزيون وقوم خش أوضتك .

    16- إوعى تقول لحد هات لى حاجة .

    17- إقفل صدرك .

    18- بلاش وقفة فى الشبابيك والبلكونات .

    19- كل على مهلك .. وأمضغ كويس .. وماتاكلش وإنت واقف وكل من قدمك متحفش .

    20- المسلسل مش هاينفعك ... قوم .

    21- كفاية رغى فى التليفون .

    22- ماتقعدش قدام المروحة وإنت مستحمى .

    23- وإنت فاكر إحنا مستنيين منك حاجة ؟!

    24- ماتعليش صوتك .

    25- بلاش لعب فى الشارع .

    26- يا ابنى اللى ذاكر ذاكر خلاص .. قوم نام .

    27- بلاش لعب بالمقص .. بيجيب الفقر .

    28- يا ابنى كلم خالتك العيانة .. اسأل عليها .

    29- إوعى حد غريب يديلك حاجة تاكلها او تشربها وتاخدها منه .

    30- النوم لحد الضهر بيجيب الفقر .

    31- إوعى تكدب عليا تانى مرة .

    32- لازم تاكل سلطة .

    33- لو شوفت خناقة مالكش دعوة بيها .

    34- عيب .. لازم تحترم الأكبر منك .

    35- كلمنا لما توصل .

    36- بلاش أكل بره .

    37- لو فلحت ابقى قابلنى .

    38- يا ابنى أنت مسطول ولا إيه .

    39- إنت فاكرنا نايمين على ودانا .

    40- وطى المدعوق ده شوية .

    41- قوم إقرالك كلمتين ينفعوك .

    42- إيه اللامبالاة والاستهتار اللى إنت عايش فيهم دول .

    43- إنت فاكرنا لاقيين الفلوس دى فى الشارع .

    44- والله ما إنت فالح .. وآدى دقنى اهيه .

    45- ما تتكلمش بصوت عالى فى الحمام .

    46- ماتنامش غير لما تغسل سنانك .

    47- ماتلزقش فى التليفزيون كده .... نظرك هايضيع .

    48- ضرب أمثلة تشجع على الكفاح .. أشهرها :
    ( أحد الاقارب اللى كان بيذاكر على لمبة جاز أو على نور العامود فى الشارع ونجح وأخد الدكتوراة وسافر أمريكا )

    49- سلم على عمك كويس يا ولد .

    50- يا ابنى محدش بينفع حد .

    51- ماتطلعش إيدك من شباك العربية .

    52- قصة الغريق اللى ك**** اللى كل مرة يقول إلحقونى .. لحد ما غرق .

    53- التهديدات المخيفة شكلا .. والكارتونية موضوعا .. مثل :
    هاقطم رقبتك ... هاقطع لسانك ... هادبحك دبح.

    54- ربنا يرزقك بعيل يوريك اللى وريتهولى .

    55- ماتطلعش على الملاية النضيفة ورجليك مت******ة كده .

    56- ماتقعدش عريان كده قدام إخواتك البنات .

    57- حول القناة دى ... بلاش مسخرة وقلة أدب .

    58- نسيت تشرب ؟ نسيت تاكل ؟ نسيت تقول هاتوا مصروف ؟ نسيت تعكنن عليا وعلى أمك ؟

    59- طلع إيدك من جيبك وإنت بتكلمنى .

    وأخـــــيــــــرا ..... ياللا يا أبو كحكة
    إنت فاكر نفسك هاتقعد تاكل معانا
    يا رب الموضوع يكون عاجبكم
    avatar
    بلح ابريم
    مشرف
    مشرف

    عدد المساهمات : 48
    تاريخ التسجيل : 26/06/2009

    رد: اشهر جمل بيقولها الاباء والامهات

    مُساهمة  بلح ابريم في الثلاثاء يوليو 14, 2009 12:54 am

    ايه دة فعلا كل دة صح
    ههههههههه
    avatar
    bedaa
    مشرف
    مشرف

    عدد المساهمات : 43
    تاريخ التسجيل : 11/07/2009
    العمر : 27

    رد: اشهر جمل بيقولها الاباء والامهات

    مُساهمة  bedaa في الجمعة يوليو 17, 2009 11:42 pm

    موضوع عن جد حلو كتير
    الكلام دة معظمه بيحصل لو مكنش كله
    avatar
    ميعام الخير
    Admin

    عدد المساهمات : 103
    تاريخ التسجيل : 25/06/2009
    العمر : 26
    الموقع : ميعام الخير

    رد: اشهر جمل بيقولها الاباء والامهات

    مُساهمة  ميعام الخير في الإثنين يوليو 20, 2009 3:05 pm

    مشكور يا غالى
    لا تحرمنا من مرورك

      الوقت/التاريخ الآن هو الأحد نوفمبر 19, 2017 4:57 am